"तीन एक तीन" समाजको वस्तुस्थितिमाथि रचनात्मक कैरन हो । समयको नाड़ी छाम्दै विशेष गरी गाउँले समाजमा विद्यमान समस्याहरूको निक्र्यौल गर्दै मानिसले भोग्न परिरहेको परिबन्दको लेखाजोखा गरिएको छ । समाज सामान्य पाटाहरू खोतल्दै आधारभूत सङ्कटको विश्लेषण गरिएको छ । दिनोदिन भइरहेका गाउँ घटनाहरूको परिप्रेक्ष्यमा मानव परिवेशलाई कथानकको रूपमा प्रस्तुत गरिएको छ।

केही काल्पनिक कथावस्तु अनि पात्रहरू समावेश गरेर सामाजिक, आर्थिक अनि आधुनिक क्रियाकलापलाई वास्तिवकताको आधारमा प्रस्तुतु गरिएको छ । गाउँले जीवनको परिवेशमाथि रचिएका यी कथाहरूले आधुनिक जन-जीवनका जटिलता र सङ्कटहरूमाथि गहिरो चिन्तन गर्न लगाउँदछन् ।