आत्मजीवनी लेखिन्छन् धेरै, पढिन्छन् थोरै । संसारमा सबैभन्दा बढ़ी पढ़िएको आत्मजीवनी नेल्सन मण्डेलाको 'Long Walk to Freedom' (स्वतन्त्रताको लामो यात्रा) हुनुपर्छ।

'अथाह कथा' मा लेखकले आफ्नो व्यक्तिगत जीवनका कुरा मात्र लेखेका छैनन् । तत्कालीन सिक्किमेली समाजको जीवनशैली, ग्रामीण सामाजिक अवस्था, सामुदायिक परिपाटी, धर्म, संस्कार, उच्च ओहोदामा बसेकाहरूको दम्भ र तल्लो तब्काका मानिसप्रति गरिने दमन, पटक पटक आइलाग्ने सङ्कट झेलाइ आदि जस्ता घटनाक्रमलाई सुन्दर ढङ्गमा प्रस्तुत गरेका छन् ।

लेखकको जीवनमा कहिल्यै बिर्सन नसकिने व्यथा कथा हो 'अथाह कथा', जुन नियति, भाग्य र कर्मको त्रिकोणीय धरातलमा उभिएको छ।